د عدليې څخه د اميد نمر څيره وهلې ٬ مونږ له پرېكړه كول دي چې دلته به د قانون او آئين له مخې عمل وي يا د ځنګل قانون به دغسې روان وي٬ د وزيراعظم شهباز شريف قامي اسمبلۍ كښې خطاب

اسلام آباد۔28مارچ (اے پی پی) وزيراعظم شهباز شريف وئيلي دي د عدليې دننه څخه د اميدونو نمر نوې څيره وهلې ، نن مونږ ته پرېكړه كول دي چې د قانون او آئين مطابق عمل كول دي يا دلته به د ځنګل قانون دغسې روان وي٬ كه عدل كېدونكے ښكاره شي نو هېواد څخه به د خطرو وريځې لرې شي ٬ آئين د عدليې ٬ انتظاميې او مقننه اختيارات وضعه كولو سره يو رېډ لائن راښكلے٬ پارليمنټ دې د آئين او قانون له مخې په صورتحال بحث او پرېكړه وكړي ٬ د عدليې بلېك مېل كونكي ٬ آئين نه منونكې نازبين ته ضمانتونه وركولې شي٬ مونږ به هغه له هېواد سره د لوبو اجازه ورنه كړؤ٬ قانون به خپله لار پخپله جوړوي٬ نن ورځ د شرافت مقابله د استبداد سره وي ٬ نن د جمهوريت او فسطائيت ترمينځه جنګ روان دے ٬ دا د اجتماعي بصيرت او د پرېكړې كولو وخت دے٬ قانون نه منونكي سره خبره نه شي كېدے۔ د نهې په ورځ په قامي اسمبلۍ كښې خپل خطاب كښې وزيراعظم د قامي اسمبلۍ سپيكر او ټول اولس ته د آئين په ګولډن جوبلي مباركي وركړه۔ ده ووئيل دا هغه دستاوېز دے د كوم جوړولو له چې د هغه وخت وزيراعظم ذوالفقار علي بھټو او نورو مذهبي او سياسي مشرانو د ټولو اختلافات باوجود خپله ذاتي خوښي ناخوښي يو خواته كولو سره دا آئين جوړ كړے كوم چې د پاكستان په تاريخ كښې يو روشانه مثال دے۔ ده ووئيل زمونږ تاريخ به دغه مشران ټول عمري له په زرينو ټكو ياد ساتي۔ ده ووئيل نن په آئين پسې ټوقې كېږي٬ يو نازبين عدالت ته د نوټسز وركولو باوجود نه وړاندې كېږي٬ د شپې په تياره كښې هغه ته ريليف وركولے شي٬ د يوې مېرمنې جج په اړه د هغه د خبرو چا هم نوټس نه دے اغستے۔ كله چې مونږ په اپوزيشن كښې وو نو په مونږ بې بنسټه مقدمې جوړې كړې شوې٬ د قام يوه لور د اختر په شپه ګرفتارولې شي۔ هغه خپل پلار سره ملاقات له ځي او ګرفتارېږي ٬ آيا چا په دې كوم اېكشن اغستے دے؟ ده وئېل د هغه نيازبين حكومت چې د آئي اېم اېف سره كومه لوظنامه كړې د هغې خلاف ورزي موجوده حكومت نه ده كړې بلكه هغه پخپله كړې او هيواد يۍ ديواليه كېدو ته نزدې كړے كوم چې مونږ ډېر په ګرانه د پاك پرورګار په حكم بچ كړو۔ ده ووئيل اوس آئي اېم اېف په هر قدم ضمانتونه غواړي۔ ده ووئيل د خزانې وزير ته بېرزوئنې وړاندې كوم چې هغه د هېواد دې حالاتو څخه ويستلو كښې خپل بشپړ كردار ترسره كړو۔ ده ووئيل عمران نيازي په څلور كلنه دور كښې د هېواد قرض 70 فيصده زيات كړے او يوه نوې خښته ئې هم نه ده لګولې۔ هغه د دوو كروړو ملازمتونو او 50 لكهه كورونو خبره كړې وه۔ ده ووئيل په روژه كښې په ټولو صوبو كښې وېړيا اوړه وركولے شي۔ ده ووئيل سفېد پوشه چا ته لاس نه نيسي خو نن هغه هم په قطارونو كښې ولاړ دے ۔ دا هغه تباهي ده كومه چې عمران نيازي د هېواد كړې ۔ وزيراعظم ووئېل هغه تور لګولو چې دا حكومت د امريكائي سازش له مخې جوړ شوے ٬ يو څو مياشتې يۍ دا دروغ وئيل تر دې چې د خلقو هم دغه سوچ جوړ شو اوس هغه پخپله وائي دا د امريكې نه دا خو د خپلو خلقو سازش دے۔ داسې ټوپي ډرامو د هېواد بنيادونه جړقولې ۔ ده ووئيل خارجه وزير بلاول بهټو او مونږ د امريكې په شمول ټولو دوستانو هېوادونو سره د اړيكو ښه كولو له هڅې كوؤ۔ ده ووئيل هغه د چين په شمول يو شمېر وروڼو هېوادونو سره په خارجه محاذ زمونږ اړيكې خرابې كړې۔ ده ووئيل اوس نوې خلق رامخې ته كولې شي او هغوي د پاكستان په ضد بيانونه وركوي۔ ده ووئيل مونږ دا كله نه دي ليدلې چې قانون نافذ كوؤنكې ادارې په كاڼو وويشتلې شي ٬ پېټرول بم استعمال كړے شي ٬ ده ووئيل د كال 1973 آئین پاكستان قائم او دائم ساتلے۔ وزيراعظم ووئيل د پي ټي آئي سوشل میډیا ټرولرز د لسبیله شهيدانو په اړه بې بنسټه خبرې كړي ۔ ده ووئيل پاك پوځ ٬ پوليس او نورو امنيتي ادارو د 80 زره نه د زياتو ځوانانو قرباني وركولو سره هېواد ترهګرۍ څخه محفوظ كړے۔ ده ووئيل په 29 نومبر د پاكستان نوے سپه سالار او چیئرمین جوائنټ چیف آف سټاف غوره كړے شوي٬ ما كابينې سره په دې معامله مشاورت كړے۔ زه په هره پرېكړه كښې خپلو ملګرو سره مشوره كوم۔ دا د وزيراعظم نه بلكې د كابينې پرېكړه وي۔ ده ووئېل د جنرل عاصم منیر د چیف آف آرمی سټاف او د جنرل ساحر شمشاد مرزا د چیئرمین جوائنٹ چیف آف سټاف تعيناتې پرېكړه په مېرټ شوې ۔ ده ووئيل زمونږ سپه سالار د قرآن حافظ هم دے۔ د پی ټی آئی ټرولرز د پاك پوځ مشرتابه لپاره ناوړه ژبه كاروي٬ كه په دې دښمن نه خوشحالېږي نو څوك به خوشحالېږي۔ كه د دې اجازه وركړې شوه نو تاريخ به مونږ معاف نه كړي۔ ده ووئېل د دې نه وړاندې چې ناوخته شي ايوان له به كوټلې تګلاره خپلول وي۔ ده ووئيل په تېر وخت كښې زمونږ خلاف بې بنسټه مقدمې جوړې كړې شوې ٬ هغه بيړه كوله چې خواجه آصف هم مونږ سره زندان ته لاړ شي۔ ده ووئيل د دې چا هم نوټس نه دے اغستے۔ ده ووئيل عمران خان د خانه كعبې ماډل ګھړۍ خرڅه كړې او وروستو يۍ جعلي رسيد وړاندې كړے ٬ د دې كېس څه وشول ؟ ده ووئيل عمران نيازي عدالتونو ته نه وړاندې كېږي عدليې پسې خندا كوي٬ د هغه شپه او ورځ ضمانتونه منظورېږي۔ دا د انصاف نظام او تله ده؟ ده ووئيل دا زما د ذات معامله نه ده دا د هېواد د راتلونكو نسلونو خبره ده چې مونږ به دوي ته داسې نظام پرېږدو۔ وزيراعظم شهباز شريف ووئيل په يو آډیو كښې د سپريم كورټ د يو جج په اړه ځينې انكشافات رامخې ته شوي ٬ پاك پروردګار ته معلومه ده چې ريښتيا دي كه دروغ ٬ سړيم كورټ بايد د دغې فرانزک آډټ وكړي۔ كه دا وېډيو ريښتيا نه وي نو مرتكب ته دې سزا وركړې شي او كه ريښتيا وي نو بيا دې د قانون له مخې كارروائي وكړې شي۔ ده ووئيل دې ايوان له به پرېكړه كول وي چې آيا مونږ به دغسې پټې سترګې ناست يوو يا دلته به د قانون او آئين سرلوړي او حكمراني وي۔ ده ووئيل ټولو دا وليدل چې عمران نيازي ترهګر په كال 2021 كښې بېرته راوستل او هغوي ته يۍ دلته د پاتې كېدو ووئېل ۔ دلته څنګه يو وارې بيا ترهګرۍ سر پورته كړو۔ پوليس پوځ او د نورو ادارو افسرانو او ځوانانو د خپلو ځانونو قربانۍ وركړې ٬ د دې معاملې بايد تحقيقات وكړے شي۔ ده ووئيل د كال 2018 په ټاكنو كښې آر ټي اېس بند كړے شو٬ يو نازبين كامياب وګرځولے شو۔ بيا دغې څخه وروستو د غل ډاكو بيانيه دومره وچلولې شوه چې عامو وګړو ته هم دا رښتيا ښكاره شوه خو د پاك پروردګار لخوا د توشه خانې كېس رامخې ته شو۔ ده ووئيل په جوډيشل كمپلېكس په رامخې ته شوې پېښه جے آئی ټی جوړه كړې شوې۔ ده ووئيل ټاكنې د جمهوريت ښكلا ده ٬ سندھ او بلوچستان په سر شمېره حقيقي تحفظات لري۔ ده ووئيل مونږ ته درس راكولې شي چې پرېكړې دې د كابينې د لارې وكړې شي ۔ ده ووئيل عمران خان به شپه او ورځ د رياست مدينه خبره كوله خو كله نه چې د توشه خانې خبره راغلې نو اوس د رياست مدينه خبره نه كوي٬ د رياست مدينه په نوم اولس ته دروغ وئيلې شوي۔ ده ووئيل عمران خان دې په خپله ډاكه ٬ غلا ٬ د عدليه او آرمي چېف په ضد په بنسټه خبرو كولو اولس څخه معافي اوغواړي۔ ده ووئيل تېره ورځ د عدالت عظمی جج صاحبانو جسټس منصور علی شاہ او جسټس جمال خان مندوخیل په خپله پرېكړه كښې ووئيل څلور ججانو په حق كښې پرېكړه كړې او درېو غړو د دغې په ضد كړې۔ په دې پرېكړه كښې چې هغوي كومې نكتې پورته كړي په دې اړه دې ايوان مشاورت وكړي او جاج دې واخلي چې آيا مونږ مونږ قانون سازي كولې شوو ٬ ده ووئېل د د ججانو پرونۍ پرېكړې څخه د اميد د څيره رامخې ته شوې ۔ ده ووئيل كله چې عدل كېدونكے وي نو د خطرو وريځې به ختمې شي۔ ده ووئيل انصاف بايد سرلوړي ولري ٬ دې لپاره آئين مونږ ته اجازه راكوي چې مونږ قانون سازي وكړؤ۔ ده ووئيل نن مونږ له پرېكړه كول دي چې مونږ به پرېكړې د آئين او قانون له مخې كوؤ او كه يا به دلته د ځنګل قانون چلېږي۔ ده ووئيل د پاكستان له مينځه تللے مقام بېرته راوستو له به مونږ له خپله ذمه واري ترسره كول وي ګني راتلونكي نسلونه به مونږ معاف نه كړي۔