اسلام آباد۔14جنوری(اے پی پی) د سېنېټ چيئرمېن صادق سنجراني د بلوچستان په كېچ ضلع كښې د ترهګرو په ضد د آپرېشن په مهال د امنيتي ځواكونو د 5 ځوانانو په شهادت د هغوي كورنيو سره غمرازي ښكاره كړې ده۔ د سېنېټ سېكرټرېټ ميډيا ډائرېكټورېټ لخوا د اتوار په ورځ په جاري كړي شوي د غمرازۍ بيان كښې د سېنېټ چيئرمېن صادق سنجراني ووئيل امنيتي ځواكونو د ترهګرو په ضد زياتې مړانې سره جنګ كوي۔ د پاك پوځ ځوانانو د خپلو سرونو قرباني وركولو سره د هېواد او قام حفاظت كوي۔ ده ووئيل هېواد دښمنه عناصر به كله هم په خپلو ناوړو ارادو كښې كامياب نه شي۔ صادق سنجراني ووئيل د ترهګرۍ پېښې د بلوچستان امن لمينځه وړولو سازش دے او دوئي به دې كښې كله هم بريالي نه شي۔ ټول قام د وسله والو ځواكونو په شا ولاړ دے۔ صادق سنجرانی ووئيل چې ترهګر د پرمختګ عمل اودرول غواړي او هغوي به په دې ناوړه عزم كښې چرې كامياب نه شي۔ د ترهګرۍ په ضد جنګ كښې د پاكستان امنيتي ځواكونو ځانګړې قربانۍ وركړې دي كومې به چې كله هم بې ځايه لاړې نه شي۔ د سېنېټ چيئرمېن زياته كړه چې پاکستان به په سيمه كښې امن لپاره ټول عمري له خپل غږ پورته كوي او داسې بزدلانه بريدونه د هېواد امن له مينځه وړلے نه شي۔ دوهم چيئرمېن مرزا محمد آفریدی، سېنېټر محمد اسحاق ډار او سېنېټر ډاكټر شهزاد وسیم هم د بلوچستان په كېچ ضلع كښې د ترهګرو په ضد د آپرېشن په مهال د امنيتي ځواكونو 5 ځوانانو په شهادت د دوئي كورنيو سره غمرازي ښكاره كړه۔ ده ووئيل ترهګر د ټول انسانيت دښمنان دي٬ پاكستان د ترهګرۍ ناسور ختمولو عزم لري۔
د سينيټ چيئرمين صادق سنجراني په ضلع كيچ كښې د ترهګرو په ضد آپريشن كښې د 5 ځوانانو په شهادت خواشيني اوښودله
مضمون کا ماخذ : como apostar na mega sena
متعلقہ مضامین
