اسلام آباد۔31مارچ (اے پی پی)د طلاعات ا وخپرونو وفاقي وزيرې مریم اورنګزیب وئېلې دي د 9 كسيز بنچ نه معامله درې كسيز بنچ ته راغله٬ په صوبو كښې د الېكشن په اړه دې فل كورټ بنچ جوړ كړے شي ٬ ائين شكن او ذهني رنځور له د اور ورته كولو ډبے په لاس ورغلے څوك چې ټول ځنګل او هېواد ته تيلے ورته كول غواړي ، ورومبے ئې د سائفر په رامخې ته كولو قيصې وكړې ،آئین ئې مات كړو ، اسمبلۍ ئې ماتې كړې، د صدر ٬ سپیکر او ډپټي سپیکر څخه ئې آئین شکني وكړه ،هم دې سپریم کورټ دا پرېكړه كړې وه چې آئین شکنی شوې ،كه لېونے الیکشن غواړي نو د قامي اسمبلی څخه ئې استعفې ولې وركړه او د دوو صوبو اسمبلۍ ئې ولې ماتې كړي ۔ دې د جمعې په ورځ میډیا سره خبرې كولې ۔ د اطلاعات وزيرې مریم اورنګزیب ووئېل پنجاب او خیبر پښتونخوا كښې د الیکشن په اړه سپریم کورټ كښې سماعت روان دے ، دا هغه کیس دے كوم چې د 9 فاضل ججانو د بنچ نه شروع شوے ؤ او 3 ججانو له راغلے ٬ بل پلو د 4-3، 2-3 خبرې كېږي ٬ جسټس اعجاز الاحسن د وړاندې نه دې کیس نه معذرت کړے، دې ووئېل جسټس اعجاز الاحسن د دې کیس د سماعت برخه نه ؤ ځكه هغه د عمل درآمد د پرېكړې برخه نشي جوړېدے، تېره ورځ يو دا روایت جوړ كړے شو جې د يوې پرېكرې د بره سرکلر راغے كوم چې د دې خبرې نشاندهی کوي او هم دا ئې تاثر دے چې د سپریم کورټ كومې فیصلې دي افرادي دي ،دې ووئېل دا نشي كېدے چې د يو معزز جج پرېكړه د رجسټرار په سرکلر کالعدم وګرځولې شي ۔دې ووئېل عمران خان د ڼړيوال سازش په دروغو وئېلو نيولے شوے ، دغې سړي به اول وئېل چې د امریکی سازش دے بيا وائې د باجوہ نه، د نواز شریف نه ، د شهباز شریف نه بلکې دا سازش محسن نقوي كړے ؤ ۔ چې كله د سازش بیانیه ، لانګ مارچ، جیل بھر و تحریک ناکامه شول او د پلستر لرې كولو وخت راغلو نو په زمان پارک كښې ئې په ترهه ګرو د پولیس سرونه مات كړل ، د پیټرول بمونو څخه ئې بريدونه وكړل ٬ د دې هر څه بس يو مقصد دے چې دا سړے الیکشن نه غواړي او هغه یه هېواد كښې مړي كول غواړي٬ دې ووئېل ډکلیئر لېونے دا هر څه ځكه كوي چې زه د ټیرن پلار يم او ما له به د دې ځواب وركول وي ٬ ، دې سړي له به د توشه خانه ځواب وركول وي۔ دې سړي ته پته ده چې د ذکواۃ پیسه باندې منی لانډرنګ شوے او سیاست كښې لګولې شوې ، دې سړي ته د دې هم پته ده چې ما ګھړۍ پټې كړي، ځكه دا تماشه راجوړوي، دې ووئېل نن سپریم کوټ کښې 9 كسيز بنچ له سماعت کول وو هغوي ولې سماعت ونه كړو ،اوس اطلاع راغلې چې درې كسيز بنچ تشکیل كړے شوے، د كوم بنچ نه چې ججز معذرت کوي هغه متنازعه شوے ، دې ووئېل د پاکستان اولس ګوري چې څه كېږي ۔ دې ووئېل دا نشي كېدے جې يو سړے سپریم کورټ، هائیکورټ اوغواړي نو هغه په عدالتونو پر بريد كوي ، د سپریم کورټ نه واخله تر سیشن جج پورې هغه سړے بريد كونكے دے خو دې سړي ته د هر عدالت نه ریلیف تر لاسه كېږي ۔ دې ووئېل كه نن پرون د دې سړي د سهولت لپاره كومه هم پرېكره راغله هغه به متنازعه وي ۔دې ووئېل د پارلیمان دننه چې كوم قانون منظور شوے هغه د دې خبرې نشاندهي كوي جې دا يوہ زړه غوښتنه وه ، د وکيلانو ورورولۍ او بار کونسلز او د اولس غوښتنه وه چې د اپیل حق پكار دے ، د ججانو کمیټۍ له د ازخود نوټس ، د بنیچ تشکیلولو پرېكره كول غواړي ۔ مريم اورنګزېب ووئېل د وکيلانو د تحفظ قانون هم وزیراعظم د وعدې تر مخه منظورکړے په كوم چې وكيلانو له مباركي وركوو ۔
د 9 كسيز بنچ نه معامله درې كسيز بنچ ته راغله٬ په صوبو كښې د الېكشن په اړه دې فل كورټ بنچ جوړ كړے شي ٬ ائين شكن او ذهني رنځور له د تيلو ډبے په لاس ورغلے څوك چې ټول ځنګل او هېواد ته تيلے ورته كول غواړي ٬ مريم اورنګزېب
مضمون کا ماخذ : علاقائی کلیدی الفاظ
متعلقہ مضامین
