اسلام آباد۔21ستمبر(اے پی پی) وزیر اعظم محمد شہباز شریف آکھیے جو حکومت تے عوام ،جنگ تے جھیڑیں توں پاک پرامن دنیا دے ودھارے سانڳے عالمی برادری دے رلے کھڑی اے ، پاکستان ڳالھ مہاڑ دے ذریعے خطے اچ امن و استحکام دے ودھارے تے پکا یقین رکھیندے اڄ دے ݙینھ اساں اقوام عالم وچال مکالمے اتے افہام و تفہیم ک??ں ودھارا ݙیوݨ دی اہمیت دا اعتراف کریندے ایں پاسے عملی اقدامات دے عزم دا اعادہ کریندوں ۔ وزیر اعظم آفس دے میڈیا ونگ توں امن دے عال??ی ݙینھ تے آپݨے سنھیے اچ وزیراعظم آکھیے اڄ دی دنیا بے شمار جھیڑیں پاروں ونڈ دا شکار اے اساکوں اقوام عالم وچال اختلافات کوں مکا تے امن دے مقصد سانڳے سانجھی حک??ت عملی اپناوݨ دی لوڑھ اے ۔ وزیر اعظم آکھیے پاکستان ڳالھ مہاڑ دے ذریعے خطے اچ امن و استحکام ک??ں ودھارا ݙیوݨ تے پکا یقین رکھیندے جݙاں جو ایں مقصد کوں گھنݨ سانڳے پراݨے جھیڑیں دا حل ضروری اے ، ایں خطے اچ جموں و کشمیر دا جھیڑا ھک پراݨا مسئلہ اے جیں دے پکے حل دی بنیاد غیرجانبدارانہ رائے شماری تے اقوام متحدہ دی سلامتی کونسل دی متعلقہ قرارداداں تے عمل درآمد اے۔وزیر اعظم مزید آکھیے اڄ دے ݙینھ اساکوں فلسطینیاں دی حالت زار کوں نظر انداز نی کرݨا چاہیدا جیڑھا جو ریاستی جارحیت دا بہادری نال سامݨا کریندے پئن ۔ مشرق وسطیٰ اچ دیرتئیں امن سانڳے اقوام متحدہ دی قرارداداں اتے فلسطینیاں دیاں امنگاں موجب جھیڑے دا پرامن حل ویلھے دی لوڑھ اے ۔وزیر اعظم آکھیے پاکستان دنیا اچ امن دے ودھارے دی اہمیت کوں منیندے تے عالمی برادری نال رل تے کم کرݨ سانڳے تیار اے ۔ جیں توں اساں آپݨی آوݨ آلیاں نسلاں سانڳے ھک پرامن کل دی تعمیر کرسڳدوں تے دنیا کوں امن و آشتی دا گہوارہ بݨا سڳدوں۔
