اسلام آباد۔9اکتوبر(اے پی پی) سعودی سرمایہ کاری ??فد وزیر سرمایہ کاری خالد بن عبدالعزیز الفالح دی قیادت اچ ٻدھ دی شام پاکستان دے ترائے ݙینھ دے دورے تے وفاقی دارالحکومت پڄ ڳئے ۔ نورخان ایئربیس تے وفاقی وزرا ڈاکٹر مصدق ملک ، جام کمال اتے عبدالعلیم خان ??فد دا پرتپاک خیر مقدم کیتا۔ ایں موقع تے سعودی سفیر سعید نواف المالکی وی موجود ہن ۔ ا??ئر??ورٹ آوݨ تے ٻالیں سعودی ??فد کوں گلدستے پیش کیتے۔ دورے دا مقصدمختلف شعبیں اچ ݙو پاسے تعاون اتے اقتصادی شراکت داری کوں مزید ودھارا ݙیوݨ اے ۔ سعودی سرمایہ کاری ??فد پاکستان دی اعلیٰ قیادت تے وزرا نال ملاقاتاں وی کریسی ۔ ??فد اپݨے دورے دے دوران پاک سعودی بزنس فورم اچ شرکت کریسی ۔ ایں توں انڄ سعودی ??فد دی پاکستانی کمپنیاں نال کاروباری ملاقاتاں وی طے ہن تے مختلف شعبیں اچ سانجھے تعاون سانڳے مفاہمت دی کئی یادداشتاں تے دستخط دا وی امکان اے۔
