اسلام آباد۔29نومبر(اے پی پی) پاکستان آکھیے او فلسطینی عوام نال یکجہتی دے جگ ݙیھاڑ تے انصاف، آزادی اتے وقار سانڳے فلسطینی عوام کیتے آپݨی غیر متزلزل یکجہتی تے حمایت دا اعادہ کریندے ۔ دفتر خارجہ د?? ترجمان ممتاز زہرہ بلوچ پریس بریفنگ اچ آکھیے اساں فلسطینی عوام دے حق خود ارادیت اتے 1967 توں پہلے دی سرحداں تے مبنی فلسطین دی ھک آزاد ریاست ، جیں دا دارالحکومت القدس الشریف ہووے ،دے قیام سانڳے آپݨی مضبوط حمایت دا اعادہ کریندن ، انھاں آکھیے پاکستان لبنان اچ جنگ بندی دے اڄوکے معاہدے دا خیرمقدم کرین??ے تے سارے فریقاں توں اقوام متحدہ دی سلامتی کونسل دی قرارداد 1701 کوں مکمل طور تے برقرار رکھݨ تے ایں تے عملدرآمد کرݨ دا مطالبہ کرین??ے ترجمان آکھیے اساں لبنان دی خودمختاری، علاقائی سال??یت اتے استحکام دی حمایت کریندن ، انھاں متاثرہ لوکاں سانڳے انسانی امداد دی وختی لوڑھ ، بے گھر لوکاں دی محفوظ واپسی اتے جھیڑے توں متاثرہ علاقیں دی نویں سروں تعمیر اچ سہولت ݙیوݨ دا مطالبہ وی کیتے ۔ ترجمان آکھیے اساں سمجھدوں اے جنگ بندی کشیدگی کوں گھ?? کرݨ تے خطے اچ وسیع تر جھیڑے کوں روکݨ سانڳے ھک اہم قدم اے ۔ پاکستان کوں امید اے جنگ بندی دا معاہدہ غزہ دی پٹی اتے ٻئے مقبوضہ فلسطینی علاقیں اچ وختی تے غیر مشروط جنگ بندی، غزہ اچ نسل کشی مکاوݨ تے فلسطینی عوام سانڳے انسانی امداد دا مرحلہ طے کریسی۔
