اسلام آباد۔26نومبر(اے پی پی) د پاكستان او بيلاروس ترمينځه په بيلو څانګو كښې مرستې لپاره د تفاهم 15 يادښتونه او لوظنامې لاس ليك شوي دي ۔ د نهې په ورځ د وزيراعظم شهباز شريف او د بېلاروس صدرالېګزېنډر لوکاشینکوف ترمينځه دا لوظنامې لاس ليك او د دې تبادله وكړې شوه۔ د بېلاروس او پاکستان ترمينځه د بشپړه مرستې روډ مېپ 27-2025 لاس ليك كړے شو۔ د پاکستان لخوا د تجارت وفاقي وزير جام كمال خان او د بېلاروس لخوا د توان وزير الېکسی کشنرینکو په روډ مېپ لاس ليك وكړو۔ بيا د پاكستان او بېلاروس ترمينځه د الېکټرانک کامرس مرستې له د تفاهم يادښت لاس ليك كړے شو۔ د پاکستان لخوا د تجارت وفاقي وزير جام كمال خان او د بېلاروس لخوا خارجه وزير مېكسم رائزنكوف د تفاهم يادښت لاس ليك كړو۔ په دې مهال د بېلاروس نېشنل اکېډمی آف سائنسز او پاکستان کونسل آف سائنټېفک اېنډ انډسټریل ریسرچ ترمينځه په سائنس او ټېکنالوجی كښې د مرستې لوظنامه د پاکستان لخوا د سائنس او ټېكنالوجي وفاقي وزير خالد مقبول صديقي او د بېلاروس لخوا خارجه وزير مېكسم رائزنكوف لوظنامه لاس ليك كړه۔ دغسې د پاکستان نېشنل اېکریډیټېشن کونسل او د بېلا روس ریپبلکن یونټیری انټرپرائز ترمينځه د اېکریډیټېشن په مېدان كښې د مفاهمت يادښت د پاكستان لخوا د سائنس او ټېكنالوجي وفاقي سېكرټري ساجد بلوچ او د بېلاروس لخوا خارجه وزير مېكسم رائزنكوف لاس ليك كړو۔ دغسې د بېلاروس کمېټی آف اسټېټ کنټرول او د پاکستان آډیټر جنرل دفتر ترمينځه يوه لوظنامه لاس ليك شوه چې د پاكستان لخوا پرې آډیټر جنرل آف پاکستان اېم اجمل ګوندل او د بېلاروس لخوا خارجه وزير مېكسم رائزنكوف لاس ليك وكړو ۔ د بېلاروس د سټېټ کنټرول کمیټۍ د مالیاتی نګرانۍ څانګې او د ماليتي نګرانۍ يونټ او د پاكستان منی لانډرنګ مخ نيوي له د اړوند مالياتي انټېلي جنس ٬ د پېشګي جرمونو او د ترهګرو مالي مرستې مخ نيوي د مفاهمت يادښت د پاكستان لخوا د فنانشل مانيټرنګ يونټ ډي جي لبنی فاروق او د بېلاروس لخوا خارجه وزير مېكسم رائزنكوف لاس ليك كړو۔د پاكستان كسټمز د فېډرل بورډ آف ريونيو او د كوپربلاكن آف دي سټېټ كسټم كمېټۍ ترمينځه د تجارت كسټمز شمېرې تبادلې له لوظنامه د پاكستان ممبر (کسټمز آپریشنز)، ایف بی آر اېم جنېد جلیل خان او د بېلاروس لخوا خارجه وزير مېكسم رائزنكوف لاس ليك كړه۔ د بېلاروس نېشنل اکېډمی آف سائنسز او د پاکستان اکېډمی آف سائنسز ترمينځه د سائنس او ټېكنالوجي ترمينځه د مرستې لوظنامه د پاكستان لخوا سېکرټری جنرل، پاکستان اکېډمی آف سائنسز ډاکټر اېم اسلم بیګ او د بېلاروس لخوا خارجه وزير مېكسم رائزنكوف لوظنامه لاس ليك كړه۔دغسې د پاکستان حکومت او د جمهوریه بېلاروس حکومت ترمينځه په نړيوال روډ ټرانسپورټ لوظنامه د پاكستان لخوا د نجكارۍ ٬ مواصلات او بورډ آف انوېسټمنټ وفاقي وزير عبدالعلیم خان او د بېلاروس لخوا د ټرانسپورټ او مواصلات وفاقي وزير الیکسی لیاخنووچ لاس ليك كړه۔ په ماحولياتي څانګه كښې مرستې له د تفاهم يادښت د پاكستان لخوا د وزيراعظم د موسمياتي بدلون كوآرډينېټر رومینه خورشید عالم او د بېلاروس د قدرتي وسائلو او ماحولياتي تحفظ وزير سرګئي مسلياك لاس ليك كړو ۔ د طبعي افتونو مخنيوي او بېړني صورتحال ختمولو له د دواړو هېوادونو ترمينځه لوظنامه د پاكستان لخوا د اېن ډي اېم اے چيئرمېن سيد قاسم اېم ادريس مسعود او د بېلاروس لخوا د بېړني حالاتو وزير وادیم سینیاوسکی لاس ليك كړه۔ د پاكستان د نیوټېک او د بېلار روس تعليمي ادارې ترمينځه د مفاهمت يادښت د پاكستان لخوا اېګزېکټو ډائرېکټر، نېشنل ووکېشنل اېنډ ټېکنېکل ټرېننګ کمېشن اېم عامر جان او د بېلاروس لخوا د تعليمي ادارې ريكټر “ریپبلکن انسټی ټیوټ فار ووکېشنل ایجوکیشن”والیری ګولوبوسکی لاس ليك كړو۔ د جمهوریه بېلاروس او اسلامی جمهوریه پاکستان ترمينځه د مطلوبو تورنو د سپارلو په لوظنامه د پاكستان لخوا داخله وزارت سېكرټري کېپټن( ر)خرم آغا او د بېلاروس لخوا د جمهوريه بېلاروس د انصاف وزير ایوګینی کووالینکو لاس ليك كړه۔ د پاکستان د ډرګ رېګولېټری اتھارټی، وزارت نېشنل هېلتھ سروسز رېګولېشن اېنډ کوآرډینېشن او د ریپبلکن یونیفورټائنر پرایننټ ترمينځه مرستې له د تفاهم يادښت (اېم او یو) د پاكستان لخوا د روغتيا وزارت سېكرټري ندیم محبوب او د بېلاروس لخوا د جمهوريه بېلاروس سفير آندرے میټیلیسا لاس ليك كړو۔ په حلال تجارت كښې مرستې له د تفاهم يادښت د پاكستان لخوا د سائنس او ټېكنالوجي وزارت وفاقي سېكرتري ساجد بلوچ او د پاكستان لپاره د بېلاروس سفير آندرے میټیلیسا لاس ليك كړو۔ په دې موقع د پاكستان وزيراعظم شهباز شريف او د بېلاروس صدر الېګزېنډر لوکا شینکو شريكه اعلاميه هم لاس ليك كړه۔
پاكستان او بيلاروس په بيلو څانګو كښې مرستې لپاره د تفاهم 15 يادښتونه او لوظنامې لاس ليك كړې
مضمون کا ماخذ : کمپیوٹر لاٹری کا جیک پاٹ
متعلقہ مضامین
.jpg)
